Vum Heeschen a Mënschenhandel Fräie Mikro mam Frank Wies

All Form vun Heesche soll vu Moies bis Owes a groussen Deeler vun der Stad verbuede ginn. Fir dës Verbuetspolitik ze begrënne gëtt argumentéiert, et wéilt een esou och géint Mënschenhandel virgoen, deen dacks mam Heesche verbonne wier.

Zwar kënnen déi politesch Verantwortlech keng Zuelen nennen, déi dës Behaaptung géif beleeën, an dach gëtt dat Argument reegelméisseg widderholl. D'Zil dovunner ass esou banal wéi effikass. De Public iwwerzeegen, datt ee géint Kriminalitéit virgeet andeems den Heescherte verbuede gëtt an der Strooss ëm Suen ze froen.