D'Reform vum Jugendrecht léisst op sech waarden, de Gesetzestext stéisst op Kritik

Mat den Avisen vum Staatsrot, steet d'Reform vum Jugendschutz a Jugendstrofrecht nees an der Aktualitéit. An engem Interview mam Radio 100,7 kommentéiert de Gilbert Pregno, fréiere President vun der CCDH, déi aktuell Reform. Hie geet ënner anerem op d'Bedeitung vun enger kloerer Trennung tëscht dem Schutz- an dem Strofrecht fir Mannerjäreger an op d'Noutwendegkeet vun engem System an, deen d'Rechter an d'Besoine vun de Kanner a Jugendlechen gerecht gëtt.